पंतप्रधान नरेंद्र मोदी यांनी 30 नोव्हेंबर 2023 रोजी व्हिडिओ कॉन्फरन्सिंगद्वारे नमो ड्रोन दीदी योजना सुरू केली. या योजनेअंतर्गत 1261 कोटी रुपयांचा निधी मंजूर असून, पुढील काही वर्षांत 15000 महिला बचत गटांना ड्रोन दिले जाणार आहेत.
महिलांना ड्रोन उडवणे, डेटा विश्लेषण व देखभालीचे प्रशिक्षण दिले जाईल. ड्रोनचा वापर पिकांची निगराणी, कीटकनाशक फवारणी आणि इतर कृषी कामांसाठी केला जाईल. या योजनेमुळे महिलांना आर्थिक सशक्तीकरणासह रोजगार मिळणार आहे.
ड्रोन खरेदीसाठी किमतीच्या 80% पर्यंत (8 लाख रुपये मर्यादेपर्यंत) अनुदान दिले जाईल. उर्वरित रक्कम 3% व्याजदराने कर्ज स्वरूपात मिळेल. प्रत्येक क्लस्टरसाठी एक महिला “ड्रोन सखी” म्हणून निवडली जाईल, तिला पंधरा दिवसांचे प्रशिक्षण व दरमहा 15,000 रुपये मानधन मिळेल.
अधिक माहितीसाठी www.pmindia.gov.in या अधिकृत संकेतस्थळाला भेट द्या.
स्वातंत्र्य न्यूज न्यायासाठी लढणारी स्वातंत्र्याची बातमी